خانه > * ادبیات - Wêje - وێژه > Îro Ji Derba Xencerê

Îro Ji Derba Xencerê

melayê cizîrîÎro Ji Derba Xencerê

İro ji derba xencerê lazim bi êşan î mella
Teşbîhê zulfa dîlberê zanim perîşan î mella

Zanim perîşan î ji dil bê hed bi êşan î ji dil
Teşbîhê burayan î ji dil billeh ne insan î mella

Billeh çi teb et adem î yekser dibêm yek alem î
Deryayê qaf û qulzem î yan çerxê gerdan î mella

Ya reb çi wê mihnet kêş î ser ta qedem têk atêş î
Mecruhê qewsê tuzreş î lew dil bi peykan î mella

Zanim ji eşqê dojeh î behrek ji narê asih î
İro li mahê xergeh î teşbîhê seywan î mella

Ev sîneya wek nay û ney pur lê kişandin dax û key
Hê dil bi naehlan didey ya reb çi nadan î mella

#Melayê Cizîrî